Um okkur

Ergo byggir á 27 ára reynslu og þekkingu en fyrirtækið var stofnað árið 1985 og hét þá Glitnir. Markmiðið með nafnabreytingunni er ekki að gera Ergo að dótturfyrirtæki á ný heldur verður það áfram svið innan Íslandsbanka og nýtur trausts baklands Íslandsbanka og verður áfram hluti af uppgjöri bankans.

Ergo þýðir „þar af leiðandi". Fyrirtækið hefur fengið nýtt myndmerki sem er einfalt og fallegt. Örinni er ætlað að  leiða mann áfram sem undirstrikar merkingu þess. Merkið er táknrænt fyrir hreyfiafl fyrirtækisins sem er kjarni starfseminnar. Einnig eru litir notaðir á skemmtilegan hátt til að skapa hlýleika og stemningu.

Ergo sérhæfir sig í fjármögnun atvinnutækja og atvinnuhúsnæðis fyrir rekstraraðila og fjármögnun bíla og ferðavagna fyrir einstaklinga. Ergo sérhæfir sig einnig í Faktoring þjónustu.

Markmið okkar er að hjálpa viðskiptavinum að taka upplýsta ákvörðun þegar þeir kaupa bíl, ferðavagn eða atvinnutæki og að styðja við fjölgun umhverfishæfari bíla á Íslandi.

Við bjóðum sérkjör á bílalánum til kaupa á sparneytnum bifreiðum og veitum fólki aðgang að reiknivélum sem sýna eldsneytiskostnað og útblástur mismunandi bifreiða.

Með þessu vill Ergo vinna með þér að því að spara peninga, vernda umhverfið og efla þjóðarhag.

Ergo er til húsa á 2. hæð á Suðurlandsbraut 14 í Reykjavík og er opið frá 9:00-16:00 alla virka daga. Viðskiptavinir geta einnig nálgast þjónustu Ergo í öllum útibúum Íslandsbanka.